BUDI

Pangakuan sagala bener

Nyimbutan anau teu bener

Buktina ukur carita

Tingkah laku gambar nu nyata

Benerteh atauh ceuk saha?

Naha saur  ‘caritana’

Bener mah kudu ceuk ‘rasa’

Pikir suci, nu adil timbangananan

Akal memeres tindak

Basa panimbang akhlak

Adil timbangan diri

Yakin ceuk ati sanubari

Rasa, pikir, pangawas pribadi

Tina sagala nu jaradi

Matak rasa jeung pikir kudu ngahiji

Supaya nyaho dibener diri

Rasa luhur, hate bimbang

Pamanggih ngan sakadarna

Elmuning sajati, dasarna diri

Tindakan loba nyimpangna

Pikir mah ngan ukur ngarti

Kana Titahna rasa nu ngatur diri

Matak sing bisa ngulik elmuning sajati

Sangkan bisa manggihkeun diri pribadi sampurna

Geusan nyukcruk galuranana

Dina arek mapay laratanana

Mana sifat budi nu teu sampurna

Sok kapanggih tina tindakan nu loba nyimpangna

Budi teh disebut panggeuing pikir 

Tukang teuleum ngaraba rasa sucina

Budi teh jambatan antara sifat nu dua eta

Nu nepungkeun rasa jeung pikir sangkan ngahiji ngalir

Sing gancang ngulik salira

Rasa jeung pikir dijadikeun dasarna

Kahayang, tanaga pangdorongna

Kalakuan hade, gambaranana

Pikir kudu beresih

Rasa panganteur widi

Alam tetep baris miasih

Ka makhluk nu ngenal diri