TINGKAH BUDAK

Ningal tingkahna nu jadi anak

Nu lucu tong dipicatur

Da paparin ti nu luhur

Tanaga pangdorong ngembangna budak

Nu perlu jadi emutan

Talajak nu matak ngewa

Anu ngahaja kudu ayana

Geura hayu urang lenyepan

Nu resep sok jadi catur

Ningal goreng tingkahna budak

Eta lain salahna anak

Da uyah tara tees ka luhur

Asal daek jeung wanina

Ngaleyepan diri pribadi

Tingkah budak gambaran diri

Tina sagala nu gorengna

Hade, goreng asal ti diri

Nu goreng tong jadi pusing

Sagala asal ti kuring

Kabeh tetesanana pribadi

Tingkah budak mere nyata

Ka kolot nu goreng adatna

Eta teh ngan mere tanda

Ka anu ngagelarkeunana

Gancang geura meresan diri

Keur nguatkeun jiwa pribadi

Conto hade pikeun anakna

Cecekeulanana, beukel hirupna

Ngadidik ngatur hirupna

Wajib kolot ka anakna

Mingpin budak, memeres diri

Eta teh titah Nu Maha Tunggal

Tingkesan:

Wong tua gawe wiwitan

Wong anom darma ngakoni